በራስ ማስተዋል አትደገፍ

 በራስ ማስተዋል መደገፍ የሰው ልጆች ችግር ሥር ከመሆኑ ባሻገር ሰዎች በእግዚአብሔር ላይ ለሚያደርጉት አመፅ ዋነኛ አነሳሽ ምክንያት እና ሰይጣን ሰዎችን ለማጥመድ ከሚጠቀምባቸው ዋነኛና መንገዶች አንዱ ነው። ይህም የሰይጣን ዋነኛ የውጊያ ስልት ነው።

የሰይጣን ዋነኛ የውጊያ ስልት፣ ሰዎች በእግዚአብሔር ባሕሪ ላይ ያላቸውን እምነት በመሸርሸር እግዚአብሔር ሊታመን የማይችል አምላክ እንደሆነ ማሳመን እና በራሳቸው ማስተዋል ላይ እንዲደገፉ ማግባባት ነው (ዘፍ.3፥1-5)።

ይህንንም የሚያደርገው የእግዚአብሔር ባህሪ አጣሞ፣ ቀይሮ እና አወናብዶ በማስቀመጥ፣ ውሸትን እውነት አስመስሎ በማቅረብ ለሚሰሙት  ሁሉ በመስበክ፣ የተዘራውን እውነተኛ የእግዚአብሔር ቃል በመንጠቅ፣ በማታለል እና የመሳሰሉትን የማወናበድ ስራዎች በመስራት ነው። 

ለአብነት በዘፍ. 3፥1-5 ላይ ተመዝግቦ ባለው የአዳምና ሔዋን ታሪክ ውስጥ ሰይጣን፣ እግዚአብሔር ከአዳምና ሔዋን አንዳች የሚጠቅም ነገር የደበቀባቸው፣ የእነርሱን መልካም ነገር የማይሻ፣ እና ሊታመን የማይችል አምላክ መሆኑን በእጅ አዙር ነግሮና በውስጣቸው ጥርጥርን ዘርቶ እግዚአብሔርን ውሸታም ለማድረግ ያደረገውን ሴራ እናያለን፡፡

ሴራም እንዲሁ በከንቱ አልቀረምና ተሳክቶለት አዳምና ሔዋን በእግዚአብሔር ላይ ያላቸውን መደገፍ ወደጎን በመተው፣ በራሳቸው ላይ በመተማመን፣ ሰይጣን በእግዚብሔር ባሕሪ ላይ የተናገረውን የውሸት ቃል አደመጡ፡፡ ከእግዚአብሔር ውጪም በራሳቸው ማስተዋል በመደገፍ በራሳቸው መንገድ ተራመዱ። በስተመጨረሻም በእግዚአብሔር ላይ ካላቸው መታመን ወጡ።

አዳምና ሔዋን በእግዚአብሔር ላይ ካላቸው መታመን መውጣታቸውን የሚያመላክቱ ሦስት ማሳያዎች አሉ፡፡ እነዚህም (1) የሰው ማስተዋል (ለጥበብ መልካም እንደሆነ አዩ)፣ (2) የሰውነት ፍላጎት (ለመብላት ያማረ እንደሆነ አዩ)፣ እና (3) ገንዘብ ማድረግ ወይም የራስ ማድረግ (ለዓይን እንደ ሚያስጎመጅ አዩ)፡፡ 

ዛሬም የዘወትር ፈተናዎቻችን ከነዚህ በአንዱ ውስጥ ይወድቃሉ፡፡ በራስ ማስተዋል መደገፍ የሰው ልጆች ችግር ሥር ከመሆኑ ባሻገር ሰዎች በእግዚአብሔር ላይ ለሚያደርጉት አመፅ ዋነኛ አነሳሽ ምክንያት እና ሰይጣን ሰዎችን ለማጥመድ ከሚጠቀምባቸው መንገዶች ዋነኛና መሆኑን መገንዘብ በጣም አስፈላጊ ነገር ነው፡፡

በአጠቃላይ ኃጢአቶች ሁሉ በእግዚአብሔር ላይ ካለመታመን ወይም በራስ ማስተዋል ከመደገፍ ይመነጫሉና በዚህ አደገኛ መንፈስ እንዳንጠቃ መጠንቀቅ ያስፈልጋል። ለዚህም የኢየሱስን ፈለግ መከተል ያስፈልገናል።

ኢየሱስም አዳም እንደ ተፈተነ በተመሳሳይ ሦስት አቅጣጫዎች ላይ ተፈተነ፡፡ ነገር ግን ኢየሱስ ሰይጣን ያቀረበለትን በራስ የመታመን ግብዣ ወደጎን በመተው ራሱን በእግዚአብሔር ጥበቃ ስር አሳልፎ በመስጠት ለመኖር ወሰነ (ማቴ. 4:1-10)፡፡ በእግዚአብሔር ላይ ፈጽሞ በመደገፍ ሊኖር የሚችለውንም የድል ሕይወት ኖሮ አሳየን።    

እኛም ዛሬ ኢየሱስ የኖረውን የድል ሕይወት ለመኖር በራሳችን ማሰተዋል ከመደገፍ ወጥተን በእግዚአብሔር ላይ በፍጹም ልባችን መታመን ያስፈልጋል። “በፍጹም ልብህ በእግዚአብሔር ታመን፥ በራስህም ማስተዋል አትደገፍ፤” ምሳሌ 3:5


ሰይጣን "አንተ በራስህ የሆነ ነገር ማድረግ ትችላለህ" ስልህ "እኔ  ከራሴ አንዳች ላደርግ አይቻለኝም" በማለት መልስ።  እኔ ከራሴ አንዳች ላደርግ አይቻለኝም፤ እንደ ሰማሁ እፈርዳለሁ ፍርዴም ቅን ነው፥ የላከኝን ፈቃድ እንጂ ፈቃዴን አልሻምና (ዮሐ. 5፥30)።

ሰይጣን "የራስህን ፈቃድህን ማድረግ ትችላለህ" ስልህ እኔ "የራሴን የጌታን ፈቃድ እንጂ የራሴን ፈቃድ ለማድረግ አልመጣሁም" በማለት መልስ። ፈቃዴን ለማድረግ አይደለም እንጂ የላከኝን ፈቃድ ለማድረግ ከሰማይ ወርጃለሁና (ዮሐ. 6፥38)።

🔖እነዚህንና የመሳሰሉት ምላሾች በመመለስ የሰይጣንን ውጊያ ማሸነፍና በእግዚአብሔር ላይ ያለውን መታመን ማሳደግ እንችላለን።


 




Comments

  1. ተክሉ ጋብረ20 April 2024 at 12:34

    Good bless u more than this way man of God im proud of u keep up continue

    ReplyDelete

Post a Comment

Popular posts from this blog

መንፈሳዊ አገልግሎት

Image
  Skip to content መንፈሳዊ አገልግሎት “ልጆቼ ሆይ፥ በፊቱ ትቆሙና ታገለግሉት ዘንድ፥ አገልጋዮቹም ትሆኑ ዘንድ፥ ታጥኑለትም ዘንድ እግዚአብሔር መርጦአችኋልና ቸል አትበሉ።” 2 ዜና 29፥11 ልጆቼ ሆይ እግዚአብሔር መርጦአችኋልና ቸል አትበሉ፦ ✅በፊቱ ትቆሙ ዘንድ  ✅ታገለግጉት ዘንድ  ✅ታጠኑለት ዘንድ ◆ መግቢያ ◈መንፈሳዊ አገልግሎት ከመንፈሳዊ ሕይወት አይበልጥም። ◈አገልግሎት በሕይወት ተጨምቀው የሚወጣው ጁስ ነው። ◈በሕይወታችን ኢየሱስ ማሳየት ቀዳሚ አገልግሎት ነው። ◈ከአገልግሎት በፊት ሰውነትን ሕያውና ቅዱስ አድርጎ ማቅረብ ይቀድማል። አገልግሎት ምንድነው? ◆ አገልግሎት፦  ሌሎችን መረዳት ነው። የእግዚአብሔር ትዕዛዝ መፈጸም ነው። እግዚአብሔርና ሰዎችን ማስደሰት ነው።  የተጠራንበት ሁለተኛው ዓላማ መፈጸሚያ ነው። አገልግሎት በትክክል እንዳናገለግል የሚያደርግ ምክንያት ምንድነው? ◆ የአገልግሎት እንቅፋት ቸልተኛ መሆን ጸጋውን አለማወቅ ኃጢአት የአገልግሎት ስምሪት ማጣት አገልግሎት የሚያስከፍለውን ዋጋ ለመክፈል ፈቃደኛ አለመሆን ወይም ትዕግሥት አለመሆን ሩቅ ያለውን ብድራት ቅርብ አድርጎ ማየት ብድራት መኖሩን ጭምር አለማወቅ የእግዚአብሔር መሳሪያ ወይም ትጥቅ ምንድነው? ◆ የአገልግሎት ትጥቅ፦ የመንፈሳዊ ቅዱስ ኃይል ጸምና ጸሎት የእግዚአብሔር ቃል ቅድስና ሕይወት የአገልግሎት ሸክም ለአገልግሎት አቅም እንድኖር የሚያደርግ ምንድነው? ◆ የአገልግሎት አቅም፦ ቅድስና ጸሎት የእግዚአብሔር ቃል የአገልግሎት ክብር ምንድነው? ◆ የአገልግሎት ክብር፦ የእግዚአብሔር መገኘት የአገልግሎት ማእከል ምንድነው? ◆ የአገልግሎት ማእከል ፦ ኢየሱስ ክርስቶስ የአገልግሎት Scope እስከየት ነው? ◆የአገልግሎት Scope (መጠን ራዕ...
Read more

3ቱ የክርስቲያን ልብሶች

Image
3ቱ_የክርስቲያን_ልብሶች |=================| ✍ለማነኛውም ሰው ልብስ መሠረታዊና አስፈላጊ  ነገር መሆኑ የሚታወቅ ነው፡፡ ለክርስቲያን ደግሞ እጅግ በጣም አስፈላጊ ነገር ነው፡፡ ነገር ግን ክርስቲያን መልበስ ያለበት እንደ ማነኛውም ዓይነት ሰው ልብስ ሳይሆን ልዩ የሆነ የልብስ ዓይነት አለ፡፡ እነዚህ ልብሶዎች ገበያ ላይ የማይገኙ፣ በገንዘብም የማይገዙ ደግሞ በፍፁም የማይሸጡ ፍፁም ድንቅ  ልብስ ናቸው፡፡ ✍በአጠቃላይ የሰው ልጅ ሦስት ዓይነት ልብስ ይለብሳል፡፡ እነዚህም፦ 1.ኢየሱስ ክርስቶስን ወይም ሰይጣን ዲያብሎስን 2. አዲሱን ሰው ወይም አሮጌውን ሰውን 3.የእግዚአብሔር ዕቃ ጦርን ወይም የጠላት ዕቃ ጦርን ➊አንደኛው ልብስ፦ ኢየሱስ ክርስቶስ ነው፡፡ •••••••••••••••••••••••••••••••••••••••••••••• ✍ማነኛውም ሰው ከምንም በላይ በመጀመሪያ ደረጃ መልበስ ያለበት የልብስ ዓይነት ክርስቶስ እንደሆነ የእግዚአብሔር ቃል በበገላትያ 3፥27 ላይ “ከክርስቶስ ጋር አንድ ትሆኑ ዘንድ የተጠመቃችሁ ሁሉ ክርስቶስን ለብሳችኋልና።” እያለ ይናገራል፡፡ በሮሜ 13:14 ላይም “ነገር ግን ጌታን ኢየሱስ ክርስቶስን ልበሱት፤ ምኞቱንም እንዲፈጽም ለሥጋ አታስቡ።”  እያል በድጋሚ ይናገራል፡፡ ይህን ልብስ ያልለበስ ሰው ሁሉ የለበሰው የሰይጣን፣ የዓለም ወይም የሥጋ ልብስ ነው፡፡ ስለዚህ ይህ ሰው ለብሶ የሚዞረው ሞትና ጥፋት ነው፡፡ ቶሎ ኢየሱስ ክርስቶስን በመልበስ የነፍሱን ዋስትና ማግኘት አለበት፡፡ ኢየሱስ ክርስቶሰን መልበስ ማለት ፦ -------------------------------------------- 1. በብርሃን መኖር፦ የኢሱስ ብርሃን ነው፡፡ ✍ኢየሱስ ክርስቶስን የለበሰ ብርሃንን መልበስ አ...
Read more

መንፈሳዊ እርጅና

Image
#መንፈሳዊ_እርጅና ◆◆◆◆◆◆◆ 📌መንፈሳዊ እርጅና፦በመንፈሳዊ ሕይወት ላይ የሚከሰት እርጅና ዓይነት ስሆን የክርስቲያኖችን መንፈሳዊ ሕይወትን በኃይልና ሁኔታ የሚያጠቃ፣ አልፎም መንፈሳዊ ሕይወትን እስከመግደል የሚደርስ አደገኛ ነገር ነው። 📌መንፈሳዊ እርጅና፦የክርስቲያን መንፈሳዊ ሁለንተናን የሚቆጣጠር፣ መንፈሳዊ አቅምን የሚያሳጣ ሰውን ተራ ክርስቲያን የሚያደርግ አደገኛ የሰይጣን #System ነው። #መንፈሳዊ_እርጅናና_ተፈጥሮአዊ_እርጅና ◆◆◆◆◆◆◆◆◆◆◆◆◆  📌መንፈሳዊ እርጅናን ከተፈጥሮአዊ እርጅና ጋር  የሚያመሳስላቸውም የሚያለያያቸውም ብዙ ነገሮች እሉት። ለምሳሌ  📌ሁለቱም እርጅናዎች ከጤና ችግር ጋር ተያይዞ ይመጣሉ።  ♦ለሰው ልጅ ከምንም በላይ ጤንነት እጅግ በጣም አስፈላጊና ወሳኝ ነገር ነው። ሰው በሕይወት ለመኖር ከየትኛውም ነገር በላይ ጤንነት ያስፈልጋል። ሰው ጤናማ ካልሆነ በሽተኛ ይሆናል። በሽተኛ ከሆነ ደግሞ ጊዜውን ያልጠበቀ እርጅና ይመጣል። ጊዜውን ያልጠበቀ እርጅና ተከትሎ ደግሞ ጊዜውን ያልጠበቀ ሞት ይመጣል። ለሁለቱም እርጅናዎች ላይ ጤንነት ጉልህ ምናን ይጫወታል። ✔#ጤንነት ስባል ከበሽታና ከህመም ስሜት ብቻ ነፃ መሆን አይደለም፡፡ ጤና የተሟላ #አካላዊ፣ #ስሜታዊ፣ #መንፈሳዊ እና #ማኀበራዊ ደህንነት ነው፡፡ መጀመሪያ ይሄ ግንዛቤ ውስጣችን ሊኖር ይገባል፡፡ አንድ ሰው አካላዊ፣ አእምሮአዊ፣ መንፈሳዊ እና ማኅበራዊ ጤንነቱ በሙሉ ተሟልቶ ሲገኝ ነው ሙሉ ጤነኛ ነው ልንል የምንችለው፡፡ እነዚህ ሁሉ ባልተሟሉበት ሁኔታ ውስጥ አንድ ሰው ህመም ስለማይሰማው ብቻ ጤነኛ ነው ሊባል ግን አይችልም፡፡ ሙሉ የሆነ የአካል፣ የስነልቦናዊ እንዲሁም የማኀበረሰባዊ ደኀንነት ነው::” ይለዋል፤ ይህም ሲባል የ...
Read more